’n Pilaarheilige of stiliet is ’n soort Christelike askeet wat in die vroeë dae van die Bisantynse Ryk op pilare gestaan en preek, vas en bid het. Hulle het geglo selfkastyding sal hul siele help red. Die eerste pilaarheilige was waarskynlik Simon die Pilaarheilige die Ouere wat in 423 in Sirië op ’n pilaar geklim en daar gebly het tot met sy dood 37 jaar later. Nog ’n bekende pilaarheilige was Nikita.